top of page
11eg - 13eg Hydref, Pontypridd
1.png
blue.png
Butterfly - transparent.png

Bethan Nia a Jess Morgan

5PM

Parc Arts

Bydd Jessica a Bethan yn perfformio gyda’i gilydd yn y perfformiad untro arbennig yma o ganeuon a ysbrydolwyd gan fywyd Morfydd Owen, ei cherddoriaeth a’r ffordd y mae’n dal i ysbrydoli cenedlaethau o artistiaid – yn neilltuol, artistiaid benywaidd, sy’n byw ym Mhontypridd a Threfforest a’r cyffiniau. Sgrifennwyd y cyfansoddiadau dwyieithog gan Bethan a Jessica ac fe’u cyllidwyd gan Tŷ Cerdd yn 2023. Roedd y fenter yn cynnwys gweithdy yn Parc Arts i artistiaid benywaidd lleol – ysbrydolodd eu geiriau hwythau hefyd ac maen nhw wedi’u cynnwys yn y cyfansoddiadau. Mae’r perfformiad yma’n arbennig dros ben gan mai yn Parc Arts y’i cynhelir – sef yr Eglwys Bresbyteraidd lle’r oedd Morfydd ei hun yn canu’r organ ac yn cyfansoddi yn ystod blynyddoedd bore’i hoes yn byw yn Nhrefforest.


Mae Bethan Nia yn delynores a chantores gwerin sydd wedi swyno cynulleidfaoedd ledled y DU gyda chyfuniad o chwarae medrus a dewis arloesol o gerddoriaeth gyfoes. Enillodd Bethan wobr Danny Kyle yn Celtic Connections 2008, ac mae hi wedi chwarae amrywiaeth o wyliau megis Glastonbury a Gŵyl Rhyng-Geltaidd Lorient. Cynhyrchwyd albwm cyntaf dwyieithog Bethan, “Ffiniau”, gan gynhyrchydd REM, Charlie Francis.


“A touch of Celtic magic…Hauntingly beautiful” – The Western Mail


“This is a superb mixture of the traditional and contemporary, her harp-playing perfectly matching a gorgeous voice.” – Frank Hennessey, Radio Wales


“There is something of Kate Bush’s ‘Aerial’ in this…the beauty of Bethan Nia’s writing and performances on this album is undeniable” – Buzz Magazine


Canwr a chyfansoddwr caneuon o Bontypridd yw Jess Morgan. Mae wedi canu ym mhobman o dafarnau a chlybiau lleol i eglwysi cadeiriol, adeiladau’r llywodraeth a neuaddau cyngerdd. Bu ar y radio a’r teledu ac mae’n frwd dros ymorol bod canu ar gael i bawb o bobol y byd fel sydd i’w weld arni’n arwain Côr Cymuned Pontypridd. Jess yw rheolwr Parc Arts ac mae’n canu’n rheolaidd gyda SOW Acapella.

AM DDIM NID OES ANGEN ARCHEBU

Next Item
Previous Item
bottom of page